ໜ່ວຍພັກພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ແລະ ໜ່ວຍພັກພະແນກວິທະຍາສາດ ແລະ ເຕັກໂນໂລຊີແຂວງໄດ້ຮ່ວມກັນຈັດພິທີເລື່ອນສະມາຊິກສຳຮອງຂື້ນເປັນສະມາຊິກພັກສົມບູນ

     ໃນຕອນບ່າຍຂອງວັນທີ 10 ພືດສະພາ 2018. ໜ່ວຍພັກພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ແລະ ໜ່ວຍພັກພະແນກວິທະຍາສາດ ແລະ ເຕັກໂນໂລຊີແຂວງໄດ້ຮ່ວມກັນຈັດພິທີເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນຈຳນວນສາມສະຫາຍ, ໃນນັ້ນມີສະມາຊິກຈາກໜ່ວຍພັກພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ 2 ສະຫາຍ ແລະ ສະມາຊິກຈາກໜ່ວຍພັກພະແນກວິທະຍາສາດ ແລະ ເຕັກໂນໂລຊີ 1 ສະຫາຍຍ. ໂດຍເປັນປະທານຮ່ວມຂອງສະຫາຍ ພູແກ້ວ ອິນທະວົງ ເລຂາພັກພະແນກໄປສະນີ, ໂທລະຄົມມະນາຄົມ ແລະ ການສື່ສານ ແລະ ສະຫາຍ ສຸລົງ ພົມມະຈັນ ຮອງເລຂາພັກພະແນກວິທະຍາສາດ ແລະ ເຕັກໂນໂລຊີ ແລະ ມີຄະນະຈັດຕັ້ງແຂວງ, ບັນດາສະຫາຍເລຂາ, ຮອງເລຂາໜ່ວຍພັກທີ່ຕ່າງໜ້າຈາກພະແນກການອື່ນ(ກູ່ມເສດຖະກິດ)ເຂົ້າຮ່ວມທັງໝົດມີ 18 ສະຫາຍ.
 
      ໃນພິທີດັ່ງກ່າວສະຫາຍ ຄຳສຸກ ຜົງສະໃໝ ຮອງເລຂາໜ່ວຍພັກພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງໄດ້ກ່າວຈຸດປະສົງສະເໜີ ແຂກເຂົ້າຮ່ວມ ແລະ ຜ່ານມະຕິຕົກລົງ ຂອງຄະນະພັກແຂວງໄຊສົມບູນ ວ່າດ້ວຍການເລື່ອນສະມາຊິກພັກສຳຮອງຂື້ນເປັນສົມບູນ ພ້ອມທັງສະເໜີໃຫ້ສະມາຊິກສຳຮອງ ຂຶ້ນຢືນກາງເວທີ. 
     ຈາກນັ້ນ ສະຫາຍ ພູແກ້ວ ອິນທະວົງ ເລຂາໜ່ວຍພັກພະແນກ ປທສ ແຂວງໄດ້ຂື້ນກ່າວຮັບເອົາສະມາຊິກພັກສົມບູນໃໝ່ ແລະ ມອບມະຕິຕົກລົງຂອງຄະນະພັກແຂວງໄຊສົມບູນ. ພ້ອມດຽວກັນນັ້ນສະຫາຍຍັງໄດ້ຕ່າງໜ້າຄະນະພັກຂັ້ນເທິງ ໂອ້ລົມຊິ້ທິດເຍືອງທາງໃຫ້ແກ່ສະມາຊິກສົມບູນໃໝ່ ເພື່ອນຳໄປພັດທະນາຕົນເອງໃຫ້ມີຄວາມກ້າວໜ້າຈົນກາຍເປັນສະມາຊິກພັກຜູ້ດີເດັ່ນ.
ພັດທະນາໂດຍ: ສູນບໍລິຫານລັດດ້ວຍເອເລັກໂຕຼນິກ, ກະຊວງໄປສະນີ ໂທລະຄົມມະນາຄົມ ແລະ ການສື່ສານ, ອີເມວ: mptwebmaster@mpt.gov.la, ໂທ: 021-316600.
ຄູ້ມຄອງ ແລະ ບໍລິການໂດຍ: ສູນຂໍ້ມູນຂ່າວສານແບບເອເລັກໂຕຼນິກແຂວງໄຊສົມບູນ, ອີເມວ: xaysomboun_ict@hotmail.com, ໂທ: 026-210015.